Friday, August 12, 2011

அருள்மிகு எம்.ஜி.ஆர்.ஆலயம் கும்பாபிஷேகம்

 
சென்னை புதுப்பேட்டையைச் சேர்ந்தவர் கலை வாணன்.
தற்போது இவருக்கு, ஐம்பது வயதாகிறது.இவர், எம்.ஜி.ஆரை சிறுவயதில், மூன்று முறை தூரத்தில் இருந்து பார்த்துள்ளார்.  

பார்த்தது முதலே அவர் மீது இனம் புரியாத பாசம்; அந்த பாசம் நாளடைவில்பக்தியாகமலர்ந்தது.எம்.ஜி.ஆருக்கு கோவில் கட்டும் ஐடியா வந்தது. கோவில் கட்டும் தன் எண்ணத்தை செயல்படுத்த துவங்கினார்.

எம்.ஜி.ஆருக்கு கோவில் கட்ட முடிவு செய்தார்.மனைவியின் நகையை விற்ற பணம், சேமிப்பு என தேறிய மூன்று லட்சம் ரூபாயை கொண்டு, திருநின்றவூர், நத்தம்மேட்டில், முக்கால் கிரவுண்டு இடம் வாங்கி, அதில் எம்.ஜி.ஆருக்கு கோவில் கட்டினார். 

அக்கோவிலினுள் முன் மண்டபத்தில், ஆறடி உயரத்தில் எம்.ஜி.ஆரின் பளிங்கு சிலை வைத்துள்ளார். அதற்கு முன்பாக, அபிஷேகத்திற்காக, இரண்டு அடி உயரத்தில் கிரானைட் கல்லால் ஆன உற்சவர் சிலையையும் அமைத்துள்ளார்.

இக்கோவிலின் கும்பாபிஷேகம், வரும் 14 மற்றும் 15ம் தேதிகளில் நடக்கிறது. "அருள்மிகு எம்.ஜி.ஆர்., ஆலயம், நத்தமேடு, செல்லியம்மன் சாலை, திருநின்றவூர்' என, முகவரி வெளியிடப்பட்டுள்ளது. கும்பாபிஷேகத்தில் பங்கேற்க அனைவருக்கும் அழைப்பு உண்டு என்றும் அறிவிக்கப்பட்டுள்ளது.

கிடைத்த பணத்தை போட்டு, ஏழு மாதமாக கட்டியதில் இப்போது அருள்மிகு எம்.ஜி.ஆர்., ஆலயம் கம்பீரமாக எழுந்து நிற்கிறது.

Related Post
அருள்மிகு எம்.ஜி.ஆர்., ஆலயம்

Sunday, August 7, 2011

இலங்கைத் தமிழருக்கு தி.மு.க. ஆட்சிதான் அதிகம் செலவு செய்தது


"இலங்கைத் தமிழருக்கு தி.மு.க. ஆட்சிதான் அதிகம்
செலவு செய்தது" - கருணாநிதி


ஆமா ஆமா..! இந்த தாத்தா இலங்கை தமிழருக்காக தாராளமாக
செலவு செய்ததை உலகத் தமிழினத்தால் மறக்கத்தான் முடியுமா?
 

அதிலும், கருணாநிதி பங்கேற்றிருக்கும் கருணை துளியும் இல்லா
மத்திய அரசு கொத்துக்கொத்தாய் குண்டுகளை ஈழத்தமிழர்கள்
மீது இரக்கமின்றி வீசுவதற்கு ஏதுவாக பலாளி விமான தளத்தை
பலகோடி செலவு செய்து பழுது நீக்கி தந்ததற்கு செய்த செலவு
கொஞ்சமா?


ரேடார்களும், ஆயுதங்களும், கோடானக்கோடி பணமும்
கொடுத்து இறுதி யுத்தம் என்னும் பெயரால் இன அழிப்புக்கு
சோனியாவின் அரசு செய்த செலவு கொஞ்சமா, நஞ்சமா?
 


இவையாவினும்விட முள்ளிவாய்க்கால் கொடூரங்கள் உச்சம்
தொட்டபோது, கருணாநிதி முதுகு வலி என நாடகம் ஆடி நடித்த
மருத்துவமனை நாடகத்திற்கு செலவிட்ட தொகைதான் கொஞ்சமா?
 


எல்லாம் முடிந்ததென தெரிந்தும் இவரும் "சீட்டிங்
சினாதானா"வும் கூட்டுசேர்ந்து கொண்டு அண்ணாசமாதியில்
நடத்திய உண்ணாவிரத நகைச்சுவை நாடகத்திற்கு ஆன
செலவுதான் கொஞ்சமா?


இப்படி இனத்துரோகி கருணாநிதிஇலங்கை தமிழருக்கு செலவழித்த தொகையை கூட்டிப்பார்த்தால்சூடு, சொரணை கொண்ட ஒவ்வொரு தமிழனுக்கும் உமிழ்நீரைகாரி அவரது உச்சந்தலையில் துப்பத்தான் தோன்றும்...

நன்றி

                                                                                                                    







Sunday, July 10, 2011

அருள்மிகு எம்.ஜி.ஆர்., ஆலயம்

சென்னை புதுப்பேட்டையைச் சேர்ந்தவர் கலை வாணன். பத்திரிகையை வீடு, வீடாக போடும் பேப்பர் பையனாக தன் வாழ்க்கையை ஆரம்பித்தவர்; இன்றைக்கு, சில வாரப் பத்திரிகைகளின் முகவராகவும், விற்பனை யாளராகவும் செயல்படுகிறார். தற்போது இவருக்கு, ஐம்பது வயதாகிறது.
இவர், எம்.ஜி.ஆரை சிறுவயதில், மூன்று முறை தூரத்தில் இருந்து பார்த்துள்ளார். பார்த்தது முதலே அவர் மீது இனம் புரியாத பாசம்; அந்த பாசம் நாளடைவில் பக்தியாக மலர்ந்தது.

தன் சொந்த செலவில் எம்.ஜி.ஆர்., படம் போட்ட சாவிக் கொத்து, பிளாஸ்டிக் ஸ்டிக்கர் அடித்து, பார்ப்பவர்களிடம் கொடுத்து வந்தார். இந்நிலை யில், இவருக்கு திருமணம் நடந்தது. "எம்.ஜி.ஆர்., துணை ' என்று போட்டே பத்திரிகை அடித்தார்.

மனைவியாக வந்த சாந்தி இதைப்பற்றி கேட்க, அவரிடம், இவர் எம்.ஜி.ஆர்., புகழ் பாட, கொஞ்ச நாளில் அவரும் எம்.ஜி.ஆர்., பக்தராகி விட்டார்.
பிறகு, இருவரும் சேர்ந்து பேசும் போது சாவிக் கொத்து, "ஸ்டிக்கர்' என்று செலவிடும் பணத்தை சேர்த்து வைத்து, நிரந்தரமாக ஏதாவது செய்யலாமே என்று யோசித்த போதுதான், எம்.ஜி.ஆருக்கு கோவில் கட்டும் ஐடியா வந்தது.

"இந்த ஐடியா சரிதானா?' என்று, எம்.ஜி.ஆரிடம் பழகியவர்கள் - பழகாதவர்கள், அரசியலில் இருப்பவர்கள் - இல்லாதவர்கள், திரைத் துறையை சார்ந்தவர்கள் என்று பலரிடமும் கருத்து கேட்டார் கலைவாணன். ஒருவர் கூட நீ செய்வது தப்பான செயல் என்றோ, முட்டாள்தனமான செயல் என்றோ சொல்லவில்லை. அவர் இறந்து இவ்வளவு வருடங்களான பிறகும், அவர் மீது மக்கள் இவ்வளவு அபிமானம் வைத்துள்ளனர் என்றால், அவர் கோவில் கட்டி கும்பிட வேண்டியவர்தான் என்ற தன் எண்ணத்தை உறுதி செய்தார்.

மேலும், எம்.ஜி.ஆர்., வாழ்ந்த ராமாவரம் தோட்டத்திற்கு போய் இருக்கிறார். அவர் வாழ்ந்த வீட்டை பார்த்ததும், மூன்று முறை முதல்வராக இருந்தவர், எவ்வளவு எளிமையாக வாழ்ந்து இருக்கிறார் என்று எண்ணியவர், கோவில் கட்டும் தன் எண்ணத்தை செயல்படுத்த துவங்கினார்.

தனக்கு வரும் வருமானத்தில், சிறிய வாடகை வீட்டில்தான் இன்றைக்கும் வசிக்கிறார் கலைவாணன்; ஆனால், எம்.ஜி.ஆருக்கு சொந்த இடத்தில் கோவில் கட்ட வேண்டும் என்று ஆசைப்பட்டார்.

தன் சேமிப்பு, மனைவியின் நகை என்று அனைத்தையும் விற்று, தேறிய, மூன்று லட்ச ரூபாய் பணத்தை வைத்து, சென்னை முழுவதும் சுற்றியும் அதற்கான இடம் கிடைக்காததால் கொஞ்சம், கொஞ்சமாய் நகர்ந்து கடைசியில் திருநின்றவூர், நத்தம்மேட்டில், முக்கால் கிரவுண்டு வாங்கிப் போட்டார்.

பிறகு நல்ல நாள் பார்த்து, கோவிலுக்கான பூமி பூஜையும் போட்டார். இவரது இந்த முயற்சியை கேள்விப்பட்ட எம்.ஜி.ஆர்., பக்தர்கள், பல பகுதிகளிலும் இருந்து வந்து கலந்து கொண்டனர்.

மிகவும் உணர்வுபூர்வமாக நடந்த இந்த விழாவின் நிறைவாக, அப்போதே கொஞ்சம் தொகை வசூலாக, கோவில் கட்டும் பணி துவங்கியது.
இப்படி கிடைத்த பணத்தை போட்டு, ஏழு மாதமாக கட்டியதில் இப்போது அருள்மிகு எம்.ஜி.ஆர்., ஆலயம் கம்பீரமாக எழுந்து நிற்கிறது.

அருள்மிகு எம்.ஜி.ஆர்., ஆலயம் என்ற பெயர் வளைவின் கீழ், இரு குழந்தைகளுடன் எம்.ஜி.ஆர்., சத்துணவு சாப்பிடும் படம் இடம் பெற்றுள்ளது. அதற்கு கீழ், வேட்டைக்காரன் படத்தில் இடம் பெறும், 

"பூமியில் நேராக வாழ்பவர் எல்லோரும் சாமிக்கு நிகரல்லவா, பிறர் தேவை அறிந்து கொண்டு, வாரிக் கொடுப்பவர்கள் தெய்வத்தின் பிள்ளை இல்லையா...' என்ற வரிகள் இடம் பெற்றுள்ளது.

கோவிலினுள் முன் மண்டபம், அதை தாண்டியதும் வரக்கூடிய கருவறையில், ஆறடி உயரத்திற்கு எம்.ஜி.ஆர்., கையை உயர்த்தி அருள்பாலிப்பது போன்ற பளிங்கு சிலை இடம் பெறுகிறது. அதற்கு முன்பாக அபிஷேகத்திற்காக, இரண்டு அடி உயரத்தில் கிரானைட் கல்லால் ஆன உற்சவர் சிலை அமைய இருக்கிறது.

இரண்டு சிலைகளும் ராஜஸ்தானில் தயாராகி வருகிறது.
சிலைகள் வந்ததும் அதை, 48 நாள் பல்வேறு பூஜைப் பொருட்களில் வைத்திருக்க வேண்டும். இந்த நாட்களில் கோவிலுக்கு, "பெயின்டிங்' போன்ற விட்டுப் போன வேலைகள் செய்து முடிக்கப்படும்.

இது எல்லாம் முடிந்து, ஆகஸ்ட் மாதத்தில் எம்.ஜி.ஆர்., கோவில், அவரது பக்தர்களுக்காக திறந்து விடப்படும். தினமும் இரு வேளை, அர்ச்சகரை வைத்து பூஜை நடைபெற இருக்கிறது.

"இன்னும் கொஞ்ச நாள்தான் எனக்கு இந்த சென்னை வாழ்க்கை. பிறகு நானும், என் மனைவியும் எம்.ஜி.ஆர்., கோவிலில் சேவை செய்ய எங்களை முழுமையாக அர்ப்பணித்துக் கொள்வோம்...' என்கிறார் கலைவாணன்.

இந்த கோவில் கட்டுவதற்காக இதுவரை யாரிடமும் இவர் நன்கொடை கேட்டது இல்லை; ஆனால், எம்.ஜி.ஆர்., பக்தர்கள் மனமுவந்து எவ்வளவு கொடுத்தாலும் இதயப்பூர்வமாக ஏற்றுக் கொள்கிறார்.

எம்.ஜி.ஆருடன் பழகி, அவரால் லட்சக் கணக்கில், கோடிக் கணக்கில் பயன் பெற்றவர்கள் நிறைய பேர் இருந்தாலும், தூரத்தில் இருந்து பார்த்தே பக்தி கொண்ட கலைவாணனுக்கு மட்டும்தான் கோவில் கட்ட வேண்டும், அவரை கற்பூரம் காட்டி கும்பிட வேண்டும் என்று தோன்றி இருக்கிறது.
இத்தனைக்கும் கலைவாணன் மிகச் சாதாரணமானவர்தான். ஆனால், இப்படி ஒரு அசாதாரணமான வேலையை செய்து வருகிறார். எப்படி இது சாத்தியம் என்ற கேள்விக்கு, "நினைப்பது மட்டுமே நான், நடத்திக் கொடுப்பது தெய்வமான எம்.ஜி.ஆர்...' என்கிறார் கும்பிட்டபடி. 
இவரது மொபைல் எண்: 98408 95507.  
நன்றி.தினமலர்

Thursday, June 30, 2011

விசாரணை கமிஷன் என்றவுடன் மு.க. பயம், நடுக்கம்.

டில்லியில் பிரதமரை சந்திக்கச் சென்ற போது, முதல்வர் தங்கும் அறை மாற்றப்பட்டது. புதிதாக சாலை போடப்பட்டது. இதற்கு செலவழிக்கப்பட்டது எவ்வளவு, செம்மொழி தமிழாய்வு நூலகத்தை அப்புறப்படுத்திவிட்டு, அங்கு சட்டப்பேரவை உருவாக்க செய்த செலவு எவ்வளவு, பயணிகள் விமானத்தை பயன்படுத்தாமல், தனியார் விமானத்தில் முதல்வர் செல்வதால் ஏற்படும் செலவுகள் எவ்வளவு, இது குறித்து விசாரணை உண்டா?என்றுகேள்வி வேறு.

1200 கோடி ரூபாய்க்கு விசாரணை என்றால், லட்சத்தில் உள்ள செலவிற்கு விசாரணை கமிஷன் கேட்கிறார். சம்பந்தமே இல்லாமல் உளறுவது இவரின் வாடிக்கையாகிவிட்டது. ஏன் இவர் இப்படி இருக்கிறார்? விசாரணை கமிஷன் என்றவுடன் பயம், நடுக்கம் வந்துவிட்டது போலும்..... அதனால் நிச்சயம் பெரும் ஊழல் நடைபெற்றுள்ளது இவற்றின் பயத்திலிருந்து நிரூபணம் ஆகிறது. நிச்சயம் அந்த தண்ணீர் டாங்க் சட்டமன்றம் இருநூறு கோடி ரூபாய் தான் இருக்கும், மீதம் உள்ள 1000 கோடி ரூபாயை ஸ்வாகா செய்துள்ளார்கள், அதனால் கருணாநிதி பதட்டமாக உள்ளார். இது மட்டுமா, விசாரணை கமிஷன் அமைத்தால், இன்னும் தோண்ட தோண்ட ஊழல்கள் வெளிவந்துகொண்டே இருக்கும். சமசீர் கல்வி புத்தகத்திற்கு ஒரு விசாரணை கமிஷன் அமைத்து விசாரித்தால், அதன் உண்மையான செலவு 80 கோடி, 200 கோடி அல்ல என்று தெரியவரும். என்னமோ இவர் அறிக்கையால் தான் அம்மா காஸ் விலை குறைத்ததாக திமுகவினர் கூறினார்கள், அப்படி என்றால், மத்திய அரசில் முக்கிய பங்கு வகிக்கும் திமுக ஏன் மத்திய அரசை வலியுறுத்தி விலை ஏற்றதை திரும்ப பெறவில்லை?

முன்பு வெங்காயம் விலை அதிகம் என்று மு.க.விடம் கேட்டபோது, பெரியாரிடம் போய் கேள் என்று நக்கல் செய்தார், பெட்ரோல் விலை ஏறியதை கேட்டபோது போய் மன்மோகன் சிங்கிடம் கேள் என்று சொன்னவர் தான் இந்த மு.க. இவர் சொல்லிட்டாராம், அம்மா வரியை நீக்கிவிட்டாராம்? 

ஒரு சின்ன கதை, ஒரு எறும்பு யானையின் தலையில் உட்கார்ந்து அழுத்துமாம், அந்த யானை தண்ணீரில் கொஞ்சம் கொஞ்சம் முழ்குமாம், உடனே கரையில் இருக்கும் எறும்புகள், யானையின் தலையில் உள்ள எறும்பை பார்த்து, அப்படி தான், விடாதே, நல்லா அழுத்து, யானை தண்ணீரில் முழ்கி சாகட்டும் என்று கூச்சல் போடுமாம். அந்த எறும்பினால் தான் யானை மூழ்கியது என்று அந்த எறும்புகள் ஒன்றோடு ஒன்று கைகுலுக்கி வாழ்த்து தெரிவிதுகொள்ளுமாம், அது போல இருக்கிறது, நான் விட்ட அறிக்கையால் தான் வரியை குறைத்தார் என்று சொல்லுவது. கருணாநிதி ஆட்சியில் பெட்ரோல் விலை உயர்ந்த போது, ஏன் விற்பனை வரியை குறைக்கவில்லை?

இருபது லட்சம் செலவு, அது மக்கள் வரி பணம், சரி, விசாரணை தேவை, செம்மொழி மாநாட்டிற்கு 500 கோடி செலவழித்தாரே, அது நம்முடைய வரி பணம் இல்லையா? கருணாநிதியின் சொந்த பணமா?2G ஊழல் காரணமாக இது நாள் வரை கருணாநிதி, திமுக உறுபினர்கள், குடும்ப உறுப்பினர்கள் டெல்லி சென்றார்களே, அது யார் பணம்? அவர் சொந்த பணமா? அம்மா ஆட்சி அமைத்து ஒரே முறை தான் டெல்லி சென்றார், அதுவும் அரசாங்க ரீதியாக சென்றார், அதற்க்கு இந்த கூப்பாடு போடுகிறீர்கள்? சரி, மன்மோகன் சிங், சென்னை வந்தால், பயணிகள் விமானத்தில் தான் வரவேண்டும் என்று கூறுவீர்களா? இல்லை வெளிநாடு செல்லும் போது பயணிகள் விமானத்தில் தான் செல்லவேண்டும் என்று கூறுவீர்களா?.  

மன்மோகன் சிங், மற்றும் உயர் பதவியில் இருப்பவர்கள் மற்ற நாடுகளுக்கு செல்லும் போது தனி விமானத்தில் தான் செல்வார், அது போலவே. அம்மா ஒரு மாநில முதல்வர், அதும் வலிமையான முதல்வர், அவர் பாதுகாப்பை கருத்தில் கொண்டு தனி விமானத்தில் செல்லவேண்டும். ஒவ்வொரு மாநில முதல்வர்கள் ஐந்து வருடத்தில் அரசாங்க ரீதியான பயணத்தில் இவ்வளவு பணம் செலவு செய்து கொள்ளலாம் என்று அளவு உள்ளது, அந்த பணத்தில் தான் அவர் செலவு செய்கிறார். தெரிந்தால் பேசுங்கள், சும்மா வரி பணம் வரி பணம் என்று பிதற்றாதீர்கள். எவ்வளவோ லட்சம் கோடிகள் கொள்ளையடித்தார், அது பரவாயில்லையாம், இருபது லட்சம் தான் இவருக்கு மக்களின் வரி பணமாக தெரியுதாம்....

ஒரு ஊழலை விசாரிக்க விசாரணை கமிசன் அமைத்ததற்கே இப்படின்னா இன்னும் நிறைய ஒன்றன் பின் ஒன்றாக வருமே ! தவறு நடந்திருப்பதால் தீர்ப்பு எப்படி வரும்னு முன் கூட்டியே அனுமானித்து அறிக்கை விட்டிருக்கிறார்.

Monday, June 20, 2011

தமிழீழம் முதலமைச்சர் ஜெயலலிதாவின் முயற்சிக்கு துணை நிற்போம் நாம் தமிழர் கட்சித் தலைவர் சீமான்.

ஈழத் தமிழர்களை கொன்று குவித்த இலங்கை மீது பொருளாதார தடை விதிக்க வேண்டும். இலங்கை அதிபர் ராஜபக்சேவை போர்க் குற்றவாளியாக அறிவிக்க வேண்டும் என்று தமிழக சட்ட சபையில் தீர்மானம் நிறைவேற்றிய முதலமைச்சர் ஜெயலலிதாவுக்கு நாம் தமிழர் கட்சி சார்பில் பாராட்டு கூட்டம் நடத்தப்பட்டது.

சைதாப்பேட்டை
தேரடி திடலில் நேற்று இரவு நடைபெற்ற இந்த கூட்டத்தில் நாம் தமிழர் கட்சி தலைவர் சீமான் கலந்து கொண்டு பேசினார். அப்போது அவர் கூறியதாவது:-
ஈழத்தில் இனப்படுகொலை நடந்த போது எந்த நாடும் கண்டு கொள்ளவில்லை.

சட்டமன்ற
தேர்தலின் போது இரட்டை இலை துளிர்த்தால் ஈழம் மலரும் என்று நான் பிரசாரம் செய்தேன்.பலர் என்னை பார்த்து ஏளனம் செய்தார்கள்.இன்று நாம் நினைத்தது போல, ஜெயலலிதா முதலமைச்சராகி வரலாற்று சிறப்பு மிக்க தீர்மானத்தை சட்டமன்றத்தில் நிறைவேற்றியுள்ளார்.

8
கோடி தமிழக மக்களின் பிரதிநிதியான முதலமைச்சர் ஜெயலலிதா, இலங்கை மீது பொருளாதார தடை விதிக்கும் தீர்மானத்தை ஒரு அமைச்சரை வைத்து முன்மொழிய சொல்லி இருக்கலாம். ஆனால் அவர் அப்படி செய்யவில்லை. ஈழத் தமிழர்களின் நலனுக்காக நிறைவேற்றப்பட்ட அந்த தீர்மானத்தின் முக்கியத்துவம் கருதி சட்டமன்றத்தில் அவரே தீர்மானத்தை முன் மொழிந்து பேசினார்.துணிச்சல் மிக்க பெண்மணி அவர்.

இதற்காக
நன்றி என்ற வார்த்தையோடு நாம் நிறுத்திக் கொள்ளக்கூடாது.புரட்சித் தலைவி என்ற பட்டத்துக்கு அவர் பொறுத்தமானர்.அவரை புரட்சித் தலைவி என்று அழைப்பதற்காக தமிழர்களாகிய நாம் பெருமைப்பட வேண்டும்.

சட்டமன்றத்தில்
நிறைவேற்றப்பட்ட தீர்மானத்தை நிறைவேற்ற வேண்டும் என்று பிரதமரை நேரில் சந்தித்த போதும் ஜெயலலிதா வற்புறுத்தினார்.இலங்கையில் தமிழ் ஈழம் மலர்வதற்காக அவர் எடுத்து வரும் அனைத்து நடவடிக்கைகளுக்கும் நாம் துணை நிற்போம்.அவரது செயல்பாடுகளை ஊக்கப்படுத்த என் தம்பிமார்கள் அனைவரும் அணி திரள வேண்டும்.

 
இலங்கை தமிழர் பிரச்னையில் இன்று ஜெயலலிதா நாடகம் ஆடுவதாக கருணாநிதி கூறுகிறார்.இலங்கை தமிழர்களுக்கு துரோகம் செய்தவர் அவர் இது போன்ற ஒரு நாடகத்தை கூட அவர் நடத்திக் காட்டவில்லையே?
ஜெயலலிதாவை பொறுத்தவரை எந்த காரியத்தில் இறங்கினாலும் அதனை நிறைவேற்றாமல் விடமாட்டார்.தமிழ் ஈழத்தையும் அவர் பெற்றுத் தருவார்.இதற்காக இறுதிவரை நாங்கள் உங்களுக்கு உறு துணையாக இருப்போம்.


இவ்வாறு சீமான் பேசினார்.

Sunday, June 5, 2011

திமுகவின் மிகப் பெரிய தோல்விக்கு காரணம் என்ன

அதிமுகவின் பெரும் வெற்றியை விட, திமுகவின் மிகப் பெரிய தோல்விக்கு  காரணம் என்ன
 

திமுக, அதிமுக இடையே கடும் போட்டி நிலவும் என்றுதான் அனைவரும் எதிர்பார்த்தனர். காரணம், திமுக தரப்பு கடைசி நேரத்தில் செய்த கடுமையான பிரசாரம். ஆனால் மக்கள் தீர்க்கமான ஒரு முடிவைத் தெரிவித்து விட்டனர்.

திமுகவின் தோல்விக்கு ஒரு காரணமல்ல, பல காரணங்களைக் கூறலாம்:

1.
மின்வெட்டு

தமிழக மக்கள் திமுகவுக்கு எதிராக ஆவேசமாக திரும்ப முக்கியக் காரணம் மின்வெட்டுப் பிரச்சினைதான். வரலாறு காணாத மின்வெட்டை ஒட்டுமொத்த தமிழகம் - தலைநகர் சென்னையை மட்டும் தேர்தல் முடியும் வரை விட்டு வைத்திருந்தனர் - கண்டது திமுக ஆட்சியில்தான்.

கடந்த 3 ஆண்டுகளில் தமிழகத்தின் அத்தனை பகுதிகளிலும் மின்வெட்டு கடுமையாகவே இருந்தது. தினசரி பல மணி நேரத்திற்கு மின்சாரம் இல்லாமல் போனதால் மக்களின் இயல்பு வாழ்க்கை மிகக் கடுமையாக பாதிக்கப்பட்டது.

தொழில் உற்பத்தி முடங்கிப் போனது. குறிப்பாக சிறு தொழில் செய்வோர் கடும் பாதிப்பை சந்தித்தனர். கொங்கு மண்டலத்திலோ தொழில் வளர்ச்சியும், உற்பத்தியும் சுத்தமாக நசிந்து போனது. பெரும் நஷ்டத்தை அவர்கள் சந்தித்தனர்.

கச்சாப் பொருட்களின் விலையேற்றம் ஒருபக்கம், மின்வெட்டு மறுபக்கம் என பெரும் அவதிக்குள்ளாகி விட்டனர் அவர்கள்.

அதேபோல சாதாரண மின் நுகர்வோர்களும் மின்வெட்டால் கடும் பாதிப்பை சந்தித்தனர். தொடர் மின்வெட்டால், மக்கள் பட்ட அவதி சொல்லொணாதது.

அதை விட மக்களை அதிகம் கோபத்துக்குள்ளாக்கிய விஷயம், சென்னைக்கு மட்டும் தடையில்லாமல் மின்சாரத்தை வழங்கிய அரசின் செயல்தான்.

2.
விலைவாசி உயர்வு

இதேபோல மக்களை மிகவும் கவலைக்குள்ளாக்கிய, கோபத்திற்குள்ளாக்கிய விஷயம் விலைவாசி உயர்வுப் பிரச்சினை. குறிப்பாக வெங்காய விலை உயர்வும், காய்கறிகளின் விலையும், தக்காளி விலை உயர்வும் மக்களை கடும் அதிருப்திக்குள்ளாக்கி விட்டது.

விலைவாசி உயர்வைத் தடுக்காமல், அந்த மாநிலத்தில் இல்லையா, இந்த மாநிலத்தில் இல்லையா என்று முதல்வர் கருணாநிதி பட்டியலைக் காட்டி விலைவாசி உயர்வு நியாயமானதுதான என்பது போலப் பேசியதும் மக்களை கோபத்திக்குள்ளாக்கி விட்டது.

3.
குடும்பத்தினரின் ஆதிக்கம்

முதல்வர் கருணாநிதியின் குடும்பத்தினர் இதுவரை இல்லாத அளவு, வரலாறு காணாத வகையில், இந்த ஆட்சியின்போது மிகப் பெரிய அளவில் ஆட்சியிலும், அதிகாரத்திலும் ஆதிக்கம் செலுத்தியதை யாரும் மறுக்க முடியாது.

முதல்வர் கருணாநிதியின் துணைவியார் ராஜாத்தி அம்மாள் ஒரு பக்கம் ஆதிக்கம் செலுத்த, மு.க.அழகரி மறுபக்கம் ஆதிக்கம் செலுத்த, கனிமொழியின் ஆதிக்கம் ஒரு பக்கம் என குடும்ப அங்கத்தினரின் ஆதிக்கம் வரலாறு காணாத அளவுக்கு கொடி கட்டிப் பறந்தது.

மதுரையில் ஒரு தூசி நகர்ந்தாலும் கூட அது அழகிரிக்குத் தெரிந்தாக வேண்டும் என்ற அளவுக்கு அங்கு அவரது ஆதிக்கமும், அதிகாரமும் கொடி கட்டிப் பறந்தது.

இப்படி கருணாநிதி குடும்பத்தினரின் ஆதிக்கத்தால் மக்கள் பட்ட அவதிகளும் நிறைய - நேரடியாகவும், மறைமுகமாகவும்.

4.
திரைத்துறையில் கருணாநிதி குடும்ப ஆதிக்கம்

அதேபோல திரைப்படத் துறையிலும் கருணாநிதி குடும்பத்தினரின் ஆதிக்கம் இதுவரை இல்லாத அளவு மிக மிக அதிகமாகவே இருந்தது.

கலாநிதி மாறன், தயாநிதி மாறன் ஆகியோரின் சன் பிக்சர்ஸ் கிட்டத்தட்ட தமிழ் சினிமாவை விழுங்கி விட்டது என்றே கூறலாம். பெரிய பெரிய நடிகர்களை எல்லாம் வற்புறுத்தியும், மிரட்டியும் இவர்கள் தங்களது படங்களில் நடிக்க வைத்தார்கள் என்று குற்றச்சாட்டு உள்ளது. இதை வெளியில் கூற முடியாமல் அந்த நடிகர்களெல்லாம் பட்ட அவஸ்தை கொஞ்ச நஞ்சமல்ல.

அதேபோல அழகிரியின் மகன் தயாநிதி அழகிரி, ஸ்டாலினின் மகன் உதயநிதி ஸ்டாலின், தமிழரசுவின் தயாரிப்பு நிறுவனம், அவரது மகன் அருள் நிதி நடிகராக்கப்பட்டது, கருணாநிதியின் இன்னொரு பேரன் குணாநிதி திரைத்துறையில் தயாரிப்பில் இறங்கியது என எங்கு பார்த்தாலும் கருணாநிதி குடும்பத்தாரின் முகங்களாகவே தெரிந்தது. இவர்களைத் தாண்டி யாரும் படம் எடுக்க முடியாது, நடிக்க முடியாது என்ற நிலையும் ஏற்பட்டது.

கருணாநிதி குடும்பத்தாரின் ஆதிக்கத்தை மனதில் வைத்தே நடிகர் அஜீத், முதல்வர் கருணாநிதி முன்னிலையிலேயே தங்களை மிரட்டுவதாக குமுறியது நினைவிருக்கலாம்.

அதேபோல கருணாநிதிக்காக தொடர்ந்து விழாக்களை எடுக்க திரைத்துறையினர் நிர்ப்பந்திக்கப்பட்டனர். மேலும் இதில் ரஜினிகாந்த் உள்ளிட்ட பெரிய நடிகர்களை வலுக்கட்டாயமாக கலந்து கொள்ள நிர்ப்பந்தித்தனர்.

ரஜினிக்கு அடுத்து பெரும் ரசிகர் கூட்டத்தைக் கொண்டுள்ள நடிகர் விஜய்க்கு, திமுக தரப்பில் கொடுக்கப்பட்ட நெருக்கடியும் அனைவரும் அறிந்ததே. அவரது படங்களுக்கு முட்டுக்கட்டை போட முயற்சித்தது, மிரட்டியது, வழக்குகளைக் காட்டி பணிய வைக்க முயன்றது என நிறைய விஷயங்கள் மறைமுகமாகவும், நேரடியாகவும் நடந்தது.

இப்படி கருணாநிதி குடும்பத்தாரின் ஆதிக்கத்தால் திரைத்துறையினரும் புழுக்கத்துடன்தான் இருந்தனர். இவற்றை எதிர்க்கட்சிகள் மக்களிடம் எடுத்துக் கூறி செய்த பிரசாரம் நல்ல பலனைக் கொடுத்துள்ளது என்பது முடிவுகளில் தெரிகிறது.

5.
ஈழத் தமிழர் பிரச்சினை

ஈழத் தமிழர் பிரச்சினையும் திமுகவின் அஸ்தமனத்திற்கு ஒரு முக்கியக் காரணமாக கருதப்படுகிறது.

ஈழத்தில் கொத்துக் கொத்தாக தமிழ் உயிர்களை சிங்களக் காடையர்கள் கொத்திக் குதறிப் போட்டபோதெல்லாம் அவர்களுக்காக திமுக குரல் கொடுக்கவில்லை என்பது, கண்மூடித்தனமாக காங்கிரஸை ஆதரித்தது, எதிர்த்துக் குரல் கொடுக்க தயங்கியது என திமுக மீது சரமாரியான புகார்கள் உள்ளன.

உலகத் தமிழர்கள் எல்லாம், கலைஞர் இப்படி அமைதி காத்து விட்டாரே, அவர் நினைத்திருந்தால் ஒட்டுமொத்த உயிர்ப்பலியையும் தடுத்திருக்கலாமே, தமிழர்களின் தலைவர் என்று அவரை அன்போடு அழைத்ததெல்லாம் வீணாகி விட்டதே என்று வெம்பிப் புலம்பி வேதனையில் மூழ்கும் அளவுக்கு அமைதி காத்தார் கருணாநிதி.

ஈழத்தில் கடைசிக் கட்டத்தில் நடந்த மிகப் பெரிய உயிர்ப் பலியின்போதும் கூட திமுக சற்றும் கலங்காமல், காங்கிரஸுக்கு சாதமாகவும், சோனியாவின் மனம் நோகக் கூடாது என்ற நோக்கிலும், பேசி வந்ததும், உண்ணாவிரதம் என்ற பெயரில் அவர் நடத்திய மிகக் குறுகிய போராட்டமும் ஈழத் தமிழர்களை மட்டுமல்லாமல், உலகத் தமிழர்கள் மத்தியிலும் பெரும் அவப்பெயரையே ஏற்படுத்தியது.

சோனியா காந்தி மனம் நோகக் கூடாது, காங்கிரஸைப் பகைத்துக் கொள்ளக் கூடாது, கனிமொழிக்கும் தனது குடும்பத்துக்கும் ஆபத்து வந்து விடக் கூடாது என்ற நோக்கில் மட்டுமே கருணாநிதி செயல்பட்டார் என்ற குற்றச்சாட்டு சரிதான் என்று தமிழக மக்கள் தங்களது தீர்ப்பின் மூலம் காட்டி விட்டனர்.

6. 2
ஜி ஸ்பெக்ட்ரம் ஊழல்

திமுக அரசின் மீதான பல முக்கியக் குற்றச்சாட்டுக்களில் ஒன்று ஸ்பெக்ட்ரம் ஊழல். அதாவது திமுகவின் ஊழலாக மட்டும் இதை மக்கள் பார்க்கவில்லை. மாறாக கருணாநிதி குடும்பத்தினர் மொத்தமாக அரங்கேற்றிய மிகப் பெரிய ஊழலாக இது மக்கள் மனதில் பதிந்து போய் விட்டது.

இந்திய வரலாற்றிலேயே இல்லாத அளவுக்கு ரூ.1,76,000 கோடி அளவிலான இந்த ஊழல் மக்கள் மனதில் குறிப்பாக நகர்ப்புற வாக்காளர்கள், படித்தவர்கள் மனதில் பெரும் பாதிப்பை ஏற்படுத்தி விட்டது.

இந்த ஊழலில் ராசாவை மட்டும் சிறைக்கு அனுப்பி விட்டு தனது மனைவி தயாளு அம்மாள், கனிமொழியைக் காக்க கருணாநிதி போராடியதும் திமுகவினருக்கே அதிர்ச்சியாக அமைந்தது என்பதே உண்மை.